FRANCORUM Normen

FRANCORUM Normen
primo innotuit, circa A. C. 260. quorum 30000. paulo post trucidavit Valerius Aurelianus, A. C. 271. Trevirim accersiti a Senatore, cuius uxorem Lucius Praeses rapuerat, occuparunt. A. C. 414. inde progressi in Celticam, et Belgiam, tandemqueve in ipsius Galliae intetiora, regnum Francicum ex Gallico, praeposito sibi Rege Pharamundo, constituêre, A. C. 419. cuius ex filio Clodione, nepos Merovaeus, terram occupatam a se, et a Maioribus Franciam vocavit, A. C. 451. quae in medio Zonae temperatae sita, ad Occ. Oceano, a Mer. mari Mediterraneo alluitur: extensa a 42. gradu latitud. usque ad 51. et a 15. longitud. usque ad 29. per 200. vel 225. circiterleucas, et a Sept. Belgio, Germaniae Italiaeque ab Or. a Mer. Hispaniae contermina, ac a Germania variorum Principum terris, ab Italia Alpibus, Pyrenaeis ab Hispania separata. Divisa est antiquitus in 12. Praefecturas, quarum deputati in Comitiis regni ius sedendi habent. Ex his Picardia, Normannia, Ins. Franciae et Campania ad dextrum Ligerim Sepr. versus: Aquitania, Langnedocia, Delphinatus, et Provincia, ad sinistrum, versus Mer. sitae sunt. Burgundia tandem, Arvernia cum agro Lugdum. Armorica cum territorio Aurelianensi, cursum Ligeris ab Ortu ad Occas. sequuntur. Alias in 15. Metropoles, quibus 115. subsunt Episcopatus: Veletiam in decem regiones, pro numero Parlamentorum, dispescitur. Solum adeo omnium rerum ferax, ut Maximilianus I. Imp. Franciae regnum improbo voto suo secundogenito destinaverit, si Deus fieri potuisset: Auri quoqueve, et argenti dives, ut Strab. ac Athen. iam olim annotatunt, et reperta ante quinquaginta circiter Annos in Provinciae montanis autaria vena, cuius historiam de Rochas exhibet, supra Peruvianas nobilis, luclenter testatur. Incolae industrii, ingeniosi, Minervae Bellonaequeus celebres alumni, sed impatientes, leves, temerarii quandoque magis, quam fortes, et acquirere quam conservare parta ptomptiores. Tres apud illos regnatrices fuere familiae, Merovingorum a Merovaeo: Carolovingorum a Carolo Martell. et Capevingorum ab Hugone Capeto: quarum prima per Annos 333. ab A. C. 418 usque ad A. C. 751. viginti et unum Reges, vel si Austrasiae quoque et Neustriae Principes comprehendas, 36. Reges dedit. Secunda rerum potita est, per An. 236. a Carolo Martello usque ad Ludovicum Simplicem, et A. C. 986. sub undecim Regibus: Tertia, cuius Hugo Capetus auctor, ad haec usque rempora genti praeest, in tres divisa ramos; quorum primus 14 Reges continens duravit usque ad A. C. 1328. quo Carolus IV. cognom Pulcher mortuus est: Secundus, a Philippo IV. Valesio, nomen sumens, in Henrico III. demum desiit, A. C. 1589. Tertius Borboniorum in Henrico IV. incepit, cuius ex filio Ludovico XIII. nepos Ludovicus XIV. feliciter regnat. Sed non idem in omnibus familiis regiae Maiestati splendor fuit. Merovingi enim et Carolovingi paulo adductius imperarunt, partitioque regni in plures filios, et nothorum in idem praerensio, non parum caliginis saepe offudit: qui autem a Capeto descendunt, liberius dominantur, et primogenitos successores habentes reliquis filiis appanagia concedunt, lege insuper Salicâ sequiorem sexum in aeternum throno arcent. Magni semper inter Christianos nominis Francorum Reges, unde Christianissimi et Primogeniti Eccl. Filii dicti. Hinc Gregorius Mag. Registr. 5. Ep. 6. Regnum hoc omnibus aliis praefert. Gregorius IX. per eius reges Deum iudicia sua exercewre ait: Bonifacius Vitalinus, post Suid. per excellentiam cosdem Reges dici asserit: Baldus gloriam Regum vocat, etc. Primi certe in Occidente Imper atores esse meruêrunt, et quamvis totus olim mundus se Arianum factum stupuit, Francorum tamen Reges ab hac haeresi immunes mansêre. Primum in Gallia, quam Franci postmodum occuparunt, fidem Christi annuntiatunt Apostolorum discipuli, et secundo statim saeculo celebres hîc exstitêre Ecclesiae: quas cruentis persecutionibus Ethnicorum
Impp. graviter perculsas recreavit Constantinus Mag. Iterum postea Barbarorum incursionibus, et Arrianorum fraudibus labefactas pristino splendori restituit Chlodovaeus, qui ab uxore primo Clothilde Burgundica semina Christianismi hausit, postmodum miraculosâ de Alemannis victoriâ obtentâ, a Vedasto in Religionis capitibus uberius institutus, et cum gente a Remigio baptizatus est, circa A. C. 500. Cuius successores quam fortiter sese sequentibus saeculis potentiae, nomen etiam Regibus maius affectanti, opposuerint, testantur exempla Philippi Pulchri, Ludovici IX. Caroll VII. Caroli VIII. Ludovici XII. aliorumqueve: Praeterito saeculo Evangelii doctrina toto regno praedicari coepta, hodiequeve Regum benignitate plurimis in locis viget. Vide de Regibus primae, et secundae Familiae, Greg. Turon. Fredegarium, Aimoinum, Sigebertum in Sigeberto, Ven. Fortunatum in vita S. Radegondes, Marculfum, Annales Fuldenses, Odorannum, Eginhartum in vila Caroli Mag. Nithardum, Annales Floriacenses, Abonem, Paulum Diaconum, Adonem, Flavinium, etc. De tertiae familiae Regibus Helgaldum in vita Roberti, Sugerum in Ludovico Crasse et Rigordum in Philippo Aug. Ludovico VIII. suus Historicus fuit, cuius nomen ignoratur. Ludovici IX. vitam et res gestas enarrarunt Godfr. de Beaulieu, Gul. Carnutensis, Ioinvillaeus, P. Matthaeus etc. Item Annales Sigeberti, Gul. Nangius, Froissardus, Enguerrandus Monstreletrius Ioh. Iuvenalis de Ursinis scripsit historiam regni sub Carolo VI. aliique. Berrius res gestas Caroli VII. exsequutus est: Philippus Comineus de Ludovico XI. scripsit: Gul. Ialignius de Carolo VIII. Ludovici XII. res gestas exposuêre Ioh. Augustodumensis, Ioh. de S. Gelasio, et Claudius Seisselius. Henrici IV. regnum enarravit Perefixius etc. quibus addi poterunt P. Iovius, Guicciardinus, Pardeinus, Martin. et Gul. Bellaii, P. Matthaeus, Duchenius, Freherus, plurimiqueve alii laudati Morerio Dist. Hist. et Becmanno in Hist. Orb. terr. Geogr. et Civ. Vide quoque supra in Franci, et Francia, ac infra in Gallia.

Hofmann J. Lexicon universale. 1698.

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.